आज शिवराज्याभिषेक दिन आहे. त्यानिमित्त ही रचना.
शिवराज्याभिषेक दिनाच्या हार्दिक शुभेच्छा.
— संपादक.
शिवबावरल्या वक्तव्याने
व्यथित झाले सगळे नेते
जो तो भाजे अपुली पोळी
प्रेम उमाळे सारे खोटे
शिवरायाची सांघिक शक्ती
कधी न कळली यांना
आरोपांच्या फैरी झाडत
भ्रमिष्ट करती सकल जनांना
देव देश अन् धर्मासाठी
थोर शिवाजी लढले होते
जातीमध्ये फुट पाडुनी
मते मागती आता नेते
राज्य खजिना वर्धित करण्या
आक्रमणाने लुटली सूरत
अपुला खजिना लुटण्या आता
नेते सक्षम अन् पारंगत
जरी शिवाजी इथे जन्मला
विचार त्याचे ना आचरती
सत्तेवरचे लोणी खाण्या
त्या नावाचा वापर करती
शिवरायांच्या कर्तृत्वाचा
फक्त मिरवता थोर वारसा
जरा आपल्या मना विचारा
महाराष्ट्र हा बिघडला कसा
— रचना : सुरेश शेठ. कोथरूड, पुणे
— संपादन : देवेंद्र भुजबळ.
— निर्माती : सौ अलका भुजबळ. ☎️ 9869484800