गोड गोजिरी लाज लाजरी
नजरेचा मारते तीर
खूप सुंदर दिसते
जेव्हा असतो राग नाकावर
तेव्हा असते हास्य तुझ्या चेहऱ्यावर. ….//१//
सुमधुर गाते गाणी
कंठात लागला सुर
गुबरे गुबरे गाल तुझे
पडते खळी गालावर
तेव्हा असते हास्य तुझ्या चेहऱ्यावर …..//२//
ठुमकत चालते चाल
घेऊन कमरेवर घागर
मनाशी जोडले नाते
नजरेवर पडली नजर
तेव्हा असते हास्य तुझ्या चेहऱ्यावर …..//३//
रिमझिम पावसाच्या सरीत
थेंब पडले डोक्यावर
पाण्याचा आला ओघळ
येऊन थांबला ओठावर
तेव्हा असते हास्य तुझ्या चेहऱ्यावर …..//४//
साखरेसारखी गोडी
आहे तुझ्या जिभेवर
जपून आपुलकीची नाती
ठेवते हात हातावर
तेव्हा असते हास्य तुझ्या गालावर…..//५//
— रचना : सौ भारती वसंत वाघमारे. मंचर, जिल्हा पुणे.
— संपादन : देवेंद्र भुजबळ.
— निर्मिती : अलका भुजबळ. ☎️ 9869484800