ओली सांजवेळ

ह्रदयाच्या कप्प्यात
जपून ठेवली
आठवण तुझी
डोळ्यात गोठली //१//

मनाचा हिंदोळा
झर झर झुले
आठवणीत या
मन माझे डुले //२//

मंजुळ आवाज
ऐकू येई कानी
येता मंद वारा
वारा गाई गाणी //३//

अंग अंग मोहरे
सुखाच्या स्पर्शाने
गंधाळून गेले
तुझ्या आभासाने //४//

दिलेली वचने
तोडली कशी रे
आज ही पाहते
वाट तुझीच रे //५//

शपथ आज मी
सख्या तुला देते
ओली सांजवेळ
ओलांडून जाते //६//

— रचना : परवीन कौसर. बेंगलोर
— निर्माती : सौ अलका भुजबळ. ☎️ 9869484800