मुलाखत यमराजाची
एकदा धाडसाने यमाची मुलाखत घ्यायचे ठरवले
घाबरू नका, माझे दिस अजून नाही भरले !
भेटल्या भेटल्या त्याने शानदार स्वागत केले,
“गजाभाऊ, आमच्या भेटीचे कसे काय मनात आले ?”
पहिला प्रश्न केला,
“कामाचा लोड वाढलाय का ?
कुणालाही उचलता,
दर्जा घसरलाय का ?
शाळेत जाणारी मुले,
गटारात पडणारी माणसे,
खराब रस्त्यावरील अपघात..
काय चाललंय ?”
दुध, पनीर, पेढ्यामध्ये भेसळ,
रुग्ण किती वाढले ?
बघ जरा पापांचा महापूर,
सामान्य जनतेने विचारायला मज धाडले !
यमराज उत्तरला, “नेते-अधिकाऱ्यांना,
भेसळखोरांना काम आउटसोर्स केलंय !
टक्केवारी वाढलीय लाचखोरीच्या दरात,
एकटा मी काय करणार ?
अशीच माणसे मरणार !
राग येऊन म्हणालो,
“मग खाणाऱ्यांचा करून टाक गेम !
त्यांना आता उरली नाही जनाची-मनाची शेम !”
मुलाखत आटोपताना मुलाखत म्हणाला
“सबका नंबर आयेगा !
तडपातडपाकर खास लॉट मे सब ले जायेगा !”
— वात्रटिकाकार : गजाभाऊ लोखंडे. नवी मुंबई
— संपादन : देवेंद्र भुजबळ.
— निर्माती : सौ अलका भुजबळ. ☎️ 9869484800
