रित्या रित्या सांजवेळी
थवे येता आठवांचे
कंठ गहिवरून आले
चित्र उमटले सोबतीचे //१//
वाटे होणार आहे आता
सुर्यास्त निरस आयुष्याचा
स्वागतास येऊन उभा हा
काळ जीवनाच्या मावळतीचा //२//
पानगळ झालेलं आयुष्य
चराचर सृष्टीचाच नियम
पालवी कशी फुटणार
मनी दाटले भीती कायम //३//
वाट पाहून थकलेल्या
डोळ्यांत दाटलेले भाव
कधीतरी येशील परतून
घेशील मनाचा तू ठाव //४//
रित्या सांजवेळी वाटते
स्वप्नांची झालर लावून
प्रतिक्षेत तुझ्या उभी मी
येतो कंठ माझा दाटून //५//
— रचना : परवीन कौसर. बेंगलोर
— संपादन : देवेंद्र भुजबळ. ☎️ 9869484800