मस्त मजेची नवी-नवी
अशी दिवाळी हवी हवी
चमचमीत अन् शुद्ध चवीची
अशी दिवाळी हवी हवी
चकचकीत त्या घरोघरी
उजळीत दीपांच्या ओळी
शुद्ध हवेची भोवताली
अशी दिवाळी हवी हवी
लखलखीत त्या शांत प्रकाशी
उजळी आनंदाच्या राशी
गंध फुलांनी बहरून जावी
अशी दिवाळी हवी हवी
सुगंधात बेधुंद होऊनी
शब्द सुरांनी मोहवणारी
नाविन्याच्या हव्यासाची
अशी दिवाळी हवी हवी
मनात तुमच्या मनात माझ्या
स्नेहबंध हे जागविणारी
हृदयामध्ये सदा वसावी
अशी दिवाळी हवी हवी
– रचना : सुनील देशपांडे
