शिक्षक असतो विद्यार्थी घडवणारा मुर्तीकार |
संस्कार शिल्प कोरणारा जीवनाचा शिल्पकार||
शिक्षक असतो समाजाचा आरसा |
बोलणं कुणाचं न घेई लावुन फारसा ||
अज्ञानी मुलास ज्ञानी बनवतो |
बरे वाईट गुण फरक शिकवतो ||
विद्यार्थी मधील दुर्गुण काढी बाजुला |
सद्गुणांची पेरण करी दाही दिशेला ||
उत्तम खेळाडू, उत्तम प्रशिक्षक बनवी |
उत्तम वक्ता, उत्तम वैज्ञानिक घडवी ||
कला, क्रीडा, साहित्य क्षेत्रात मार्गदर्शक |
सुसंस्कृत पिढी घडवणारा असतो शिक्षक ||
अखंड शिक्षणाचे कार्य करीतो महान |
ज्ञानामृताने भागवी विद्यार्थींची तहान ||
तन, मन, धनाने अर्पण करी आपलं आयुष्य |
ज्ञान देवुनी घडवितो एका पिढीचं रं भविष्य ||
– रचना : प्रविण खोलंबे. ता.मुरबाड, जि.ठाणे.
– संपादन : देवेंद्र भुजबळ. ☎️ 9869484800
समाज घडविणाऱ्या शिक्षकाला कवितेतून दिलेली उत्तम मानवंदना.