चाल : देहाची तिजोरी भक्तीचाच ठेवा,
उघड दार देवा आता..
तिळाची ही वडी
लाडु तिळगुळाचा
उघड आई डबा आता
उघड आई डबा ॥ धृ ॥
येतो सण संक्रांतीचा
मनी हर्ष लाडवांचा
परी आई का ग तु तो डबा लपवावा
चटावल्या जिभांनीही तोल सावरावा ॥ १ ॥
उघड आई डबा आता …..
दुपारी तु निजशी आई
म्हणुन केली घाई
दचकलो कितीतरी
बाजु उभी ताई
तिच्या त्याच
चुगल्यांवर तु
भरवसा ठेवावा ॥ २ ॥
उघड आई डबा आता उघड आई डबा
सकाळी ग बबल्याची मी पतंग काटली
म्हणुन भरपाई केली कबुल चार लाडवांची
कृपा करी आई आता प्रश्न इभ्रतीचा ॥ 3 ॥
उघड आई डबा आता ….
– रचना : सुजाता येवले.
– संपादन : सौ अलका भुजबळ. ☎️ 9869484800