चला उठा मतदारांनो
करू हक्काचे मतदान
जागे होऊ सारे मिळून
निवडू उमेदवार छान
तरूण तडफदार ज्यांचे
असेल सदा व्यक्तीमत्व
कार्यरत असतील नित्य
त्यांचे पटणार ना तत्व!
चार दिवस सुटी येते
नका काढू कुठे पळ
हक्क गाजवा आपला
नेता शोभावा प्रबळ
कशाला हवे चार पैसे
फुकात नको विचार
ठाम असावे स्वमनाने
होऊ नका रे लाचार
उन्मत्त तरूण सुस्वभावी
नेता असावा मस्त राकट
माता भगिनी रक्षणकर्ता
नका आणू कोणी हलकट
देशसेवा तरूणास काम
कंपनीची करो भरभराट
कशाला हवे विदेशागमन
धाव घेणार जो सुसाट
केवळ खाणे ऐशोआराम
कळकटलेली नको मती
कृषकास आधुनिक ज्ञान
सर्व क्षेत्रात गाठो प्रगती
केवळ आम्ही अती विद्वान
करती दीनांची दाणादाण
सर्व क्षेत्री नेत्र असो तयांचे
माता बंधू एक समान
जल योजना,भविष्य जाणी
पंचवार्षिक योजना नवी
वेस्ट मधून बेस्ट करणे
योजकात सुबत्ता हवी
— रचना : सौ शोभा कोठावदे. नवी मुंबई
— संपादन : देवेंद्र भुजबळ.
— निर्मिती : अलका भुजबळ. ☎️ 9869484800
सामाजिक भान देणारी कविता! मनापासून आवडली शोभाताई🌷