मुंबई, नवी मुंबई, ठाणे, रायगड व परिसरात आपल्या कार्याचे जाळे विणणाऱ्या पंचरत्न मित्र मंडळ (रजि.) यांच्या माध्यमातून तुर्भे अप्पर प्रायमरी म्युनिसिपल शाळेतील मुलांसाठी नुकतेच विनामूल्य वैद्यकीय चिकित्सा शिबिराचे आयोजन करण्यात आले होते.
या शिबिरात मुलांना स्वच्छता किट तसेच औषधे, खाऊचे वाटप करण्यात आले. याप्रसंगी विचारमंचावर राष्ट्रीय केमिकल्स आणि फर्टिलायझरचे कार्यकारी संचालक (प्रोजेवट) अजय पाटील, महाव्यवस्थापक (वाणिज्य) निरंजन सोनक, पंचरत्न मित्र मंडळाचे अध्यक्ष अशोक भोईर, सचिव प्रदीप गावंड, पत्रकार राजेंद्र घरत, डॉ. विनित गायकवाड, डॉ रजनिश कुमार, डॉ, निलेश कांबळे, विनायक जोशी आदि उपस्थित होते.
यावेळी केलेल्या भाषणात अजय पाटील यांनी शाळकरी मुलांना शिस्त, आरोग्य पालनाचे महत्व समजावून सांगितले. तसेच अभ्यासावर लक्ष केंद्रीत करुन शाळेचे, समाजाचे, देशाचे नाव उंचावण्याचा सल्ला दिला.
निरंजन सोनक यांनी विद्यार्थ्यांशी हितगुज साधताना त्यांना व्यायाम, आहार-विहार हेही आपल्या जीवनात तेवढेच महत्वाचे असून एक ना एक दिवस तुम्हीही विचारमंचावरुन आपापले मनोगत मांडण्याइतके मोठे व्हा अशा शुभेच्छा दिल्या.
पत्रकार राजेंद्र घरत यांनी यावेळी पंचरत्न मित्र मंडळाच्या सामाजिक कामाची प्रशंसा केली करून आरसीएफ चे व्यवस्थापन आणि या मंडळाला मदत करणारे सर्वच प्रायोजक, दानशूर दाते हे नेहमीच पूर्ण ताकदीनिशी सहकार्य करुन मोठे सामाजिक दायित्व निभावत असल्याबद्दल त्यांना धन्यवाद दिले.
शाळेच्या मुख्याध्यापिका श्रीमती खान यांनी सदर उपक्रमासाठी सहकार्य केले. सूत्रसंचालन सौ.स्नेहा नानिवडेकर यांनी केले.
या कार्यक्रमाच्या यशस्वितेसाठी रमेश पाटील, सचिन साळुंखे, वैभव घरत, हनुमंत चव्हाण यांच्यासह ‘पंचरत्न’च्या सर्व सदस्यांनी मेहनत घेतली.
– टीम एनएसटी. ☎️ 9869484800