नमस्कार मंडळी.
आपल्या कालच्या पोर्टल वरील, “मुलामुलींनो मैदानावर खेळा” हा वृत्तांत वाचून कवी गोविंद पाटील यांनी त्यांची, मुलांनी मैदानावर खेळण्याविषयीची कविता पाठवली आहे. ती पुढे देत आहे. पाटील सरांचे मनःपूर्वक आभार.
— संपादक
खेळा मुलांनो खेळा
मैदानी खेळ खेळा ||धृ ||
खो – खो खेळ खेळा
मित्रांचा होईल मेळा
कबड्डीत सहभाग घ्यावा..
खेळण्यात जिद्द ठेवा
खेळा मुलांनो खेळा
मैदानी खेळ खेळा ||१||
शरीर तंदुरुस्त ठेवा
मित्रांना वाटावा हेवा
स्पर्धेत बक्षिस जिंका
आनंद सन्मान मिळवा
खेळा मुलांनो खेळा ||२||
मैदानी खेळ खेळा
स्पर्धेच्या युगात पुढे..
तुम्ही का राहावे मागे
खेळात अपयश-यश असते
आयुष्य यानेच घडते…
खेळा मुलांनो खेळा
मैदानी खेळ खेळा ||३ ||
— रचना : गोविंद पाटील. पाथरी, नेहरूनगर, जळगाव
— संपादन : देवेंद्र भुजबळ.
— निर्माती : सौ अलका भुजबळ. ☎️ 9869484800