सण आला संक्रान्तीचा,
बोल मधुर बोलायाचा //
तीळ कणाकणाने फुलला
मधु स्नेहगंध दरवळला
प्रेमाने देऊं घेऊं
काटेरी हसरा हलवा //
काट्याने काटा काढा
जो मनी रुतुनिया बसला
रवि संक्रमित तो झाला
गगनात सोहळा सजला //
नववर्षी सुदिन हा आला
जन तयार संक्रमणाला
नवराजकारणी रमण्या,
स्थित्यंतर घडविण्याला //
स्नेहमधुर वाचे बोला
नीतीमत्ता ती जागवा
असिधाराव्रत तुम्ही घ्या ना
मानव्य धर्म तो माना //
सद् विवेक बुध्दी ठेवा,
लोकशाही तारायाला //
ते सोडून भेदाभेद
सत्तेचा सोडून लोभ
द्या मोहालाही छेद //
व्हा कार्य कराया सिध्द
ते स्थैर्य भारता देण्या,
यशमंदीर उभारायला //
– रचना : स्वाती दामले. बदलापूर
– संपादन : देवेंद्र भुजबळ. ☎️ 9869484800