प्रसिद्ध मराठी गझलकार, साहित्यिक तथा काव्यदरबार या बालकाव्य विशेषांकाचे संपादक रज्जाकभाई शेख यांच्या साहित्याला महाराष्ट्र शासनाच्या मासिकात प्रकाशित होण्याचा मान सलग तिसऱ्यांदा मिळाला आहे.
अहमदनगर जिल्हा परिषद प्राथमिक शाळा कुरणपूर येथे कार्यरत असलेल्या रज्जाक शेख यांची ‘शाळा प्रगत करू‘ ही काव्यरचना महाराष्ट्र शासनाच्या जून २०२० जीवन शिक्षण मासिकात प्रकाशित झाली आहे. तर गेल्या वर्षी कोरोनाच्या कालावधीत सप्टेंबर २०२१ च्या जीवन शिक्षण मासिकातच ‘पहिलीच्या पुस्तकातील मराठी कवितांचे महत्त्व‘ असे शीर्षक असलेल्या पाठयक्रमातील भाषा विषयाच्या पाठयपुस्तकावर समीक्षा लेख प्रकाशित झाला.
मुलांच्या भावविश्वाला आनंदीत करणाऱ्या शासनाच्या ‘किशोर‘ नावाच्या मासिकाच्या जुले २०२२ महिन्याच्या अंकात ‘पाऊसफुले‘ शीर्षक असलेली मनोरंजक बालकविता प्रकाशित करण्यात आली आहे.
राज्यातील अनुदानित व विनाअनुदानित शाळेत ही मासिके शिक्षक, पालक व विद्यार्थ्यांसाठी उपलब्ध करून देण्यात येतात. वाचकांनी आवर्जून त्याचा लाभ घ्यावा असे आवाहन श्री रज्जाक शेख यांनी केले आहे.
– टीम एन एस टी. ☎️ 9869484800
