रिक्षाचालकांच्या काही (विचित्र) सवयी आपल्या नजरेतून सुटत नाही. त्यात आपले वात्रटिकाकार गजाभाऊ मुळात वात्रटच. तसे बरेच सभ्य / शिस्तप्रिय रिक्षावाले त्यांचे मित्र सुद्धा आहेत बरं का !. अन् बरेच ……… जाऊ द्या.
या वात्रटिका आवडल्यास जरूर कळवा. शेअर करा.
— संपादक
१
पटकन एक पिंक टाकतो
केली कि रिक्षा चालू
बिनधास्त मोबाईल वर
मग लागतो तो बोलू
२
संकटात मीटरप्रमाणे पैसे
म्हणजे वेडेपणा वाटतो
अव्वाच्यासव्वा भाड्याने
प्रवाश्यांना लुटतो
३
जायचे ठिकाण सांगितले
की याचे उत्तर ठरलेले
रिक्षात पेट्रोल कमीच
आता उरलेले
४
रिक्षात बसलो तर
खड्डे नाही टाळणार
त्याची सवय
बरोबर पाळणार
५
जवळचे भाडे त्यांना
मुळीच आवडत नाय
अन त्यांना अद्दल घडविणे
आम्हाला परवडत नाय
— रचना : गजाभाऊ लोखंडे. नवी मुंबई.
— संपादन : देवेंद्र भुजबळ.
— निर्माती : सौ अलका भुजबळ. ☎️ 9869484800
