२०२१ नं काय शिकवल ?
नात्याची विण घट्ट करायला
आहे तो क्षण समरसून जगायला
थोड थांबून अंतरात डोकवायला
उरातली आशा जीवंत ठेवायला
२०२१ नं काय शिकवलं ?
घराचं घरपण निरखायला
परदुःखात सोबती व्हायला
मानवतेची कास धरायला
आतला माणूस जपायला
२०२१ नं काय शिकवलं ?
सहृदयतेनं पहायला
क्वचित् माफ करायला
तुटली नाती सांधायला
सुखाची व्याख्या बदलायला
२०२१ नं काय शिकवल ?
प्रार्थनेचं बळ आजमावायला
धडपडलो तरी सावरायला
जाणारा गेला तरी पुढे जायला
माणसातला परमेश्वर पहायला.
वर्ष सरत आहे घेऊन उद्याची आशा
जगणे सुंदर आहे सोड ही निराशा
– रचना : शिल्पा कुलकर्णी. अमेरिका
वास्तवता, चपखल शब्द न सकारात्मक विचारांचा सुरेख संगम. 👌👌👌