🤫 अळीमिळी गुपचीळी 🤫

🤫 अळीमिळी गुपचीळी
राजकारणात होतो मतदार बळी
आपण मात्र अळीमिळी गुपचीळी

🤫 आश्वासन देण्यास फिरतो दारोदारी,
निवडून येता बनतात भष्टाचारी
आपण मात्र अळीमिळी गुपचीळी

🤫 योजना आखतात फक्त कागदावरी,
कागद कपाटात कित्येक वर्षे धुळ खाई,
आपण मात्र अळीमिळी गुपचीळी

🤫 नियम तोडल्यास दंड पडतो भारी
खड्ड्यांमध्ये रस्ते शोधता शोधता कंबरडे मोडी
आपण मात्र अळीमिळी गुपचीळी

🤫 मुर्ख जनता दंग्यामध्ये संपत्ती जाळी
नेता त्यावर भाजतो आपली पोळी
आपण मात्र अळीमिळी गुपचीळी

🤫 पक्के वैरी एका खुर्चीवर मारून बसले दडी
अन् मतदार जनता ठरली येडी नी खुळी
तरीही आपण मात्र अळीमिळी गुपचीळी
राजकारणात होतो मतदार बळी
मतदार बळी.

— रचना : सौ. शितल अहेर. खोपोली, रायगड.
— संपादन : देवेंद्र भुजबळ.
— निर्मिती : अलका भुजबळ. ☎️ 9869484800