एक अनमोल ठेव

चिमणी : अनमोल ठेव २० मार्च हा जागतिक चिमणी दिवस. पण लोभासाठी आणि विज्ञानाच्या युगात हरवून गेलेली एक अनमोल ठेव.

इवल्याशा अंगणात, होता चिमण्यांचा थवा ।
चिवचिव आवाजाने, जणू शुद्ध होई हवा ।।

भल्या रामाच्या पहारी, भरे चिमण्यांची शाळा ।
चार दाणे टिपायला, फांदीवर होई गोळा ।।

हराळीच्या गवताने, खोपा चिमणी बांधते ।
खोपा टांगून झाडाला, सुखी खोप्यात नांदते ।।

माणसाने लोभासाठी, फक्त मनमानी केली ।
त्याच्या सुखासाठी साऱ्या, निसर्गाची हानी झाली ।।

आता नाही चिवचिवाट, चिमणी दूर गेली उडून ।
तुझ्या अज्ञानापोटी, सगळं काही गेली सोडून ।।

आता नाही किलबिल, नाही कोठे चिवचिव ।
अशी अमूल्य सृष्टीची, हरवून गेली ठेव ।।

– रचना : रामदास आण्णा.