स्त्री म्हणुन जगणं
इतक सोप असतं का ?
स्त्री म्हणुन जगणं
प्रत्येक सुखदुःखाच्या क्षणात
अश्रु पापणी आड दडवणं ॥ धृ ॥
इथे बसु नको, याच्याशी बोलु नको
दारात उभे राहु नको
मोकळ्या हवेत, मुग्ध श्वासही घेऊ नको
की व्यक्तही करू नको
तुझे आवडणं नावडणं
इतकं सोपं असतं का
स्त्री म्हणून जगणं ॥ १ ॥
शाळा असो की कॉलेज
तु अव्वल असायलाच पाहिजे
नुसता अभ्यासच नाही
घरकामही करायलाच पाहिजे
स्पोर्टस अन् कराटे नको गं बाई
महत्त्वाचे तुझे मोहक दिसणं
इतकं सोपं असतं का
स्त्री म्हणुन जगणं ॥ २ ॥
उशिरापर्यंत अभ्यास करण्या
नसे कधीच मनाई
लवकर उठुन चहा करण्यास
कर सदा तुच घाई
नाही स्वीकारणार कुणीच
तुझे उशीरापर्यंत झोपणं
इतकं सोपं असतं का
स्त्री म्हणुन जगणं ॥ 3 ॥
नोकरी करण्यास
मुळीच कुणाची ना नाही
घरकामाकडे दुर्लक्ष
मुळीच सहन करणार नाही
आवश्यकच आहे तुला
ओला टॉवेल अन् पसारा उचलणं
इतकं सोपं असतं का
स्त्री म्हणुन जगणं ॥ ४ ॥
उदरी जन्मल्या फक्त मुलीच
याला फक्त तुच दोषी
नाही जन्मला पुत्र म्हणुन
व्यर्थ ते रामेश्वर अन् काशी
साहवत नाही आता
मुलगी परक्याचे धन म्हणवुन घेणं
इतकं सोपं असतं का
स्त्री म्हणुन जगणं ॥ ५ ॥
आदर्श आहेत तुम्हाला
सुनीता विल्यम्स् अन् कल्पना चावला
सॅल्युटही करतात अन्
आदरार्थी ठरतात वीरबाला
पण गुन्हयास पात्र तुझे
घराबाहेर पाऊल ठेवणं
इतकं सोपं असतं का
स्त्री म्हणुन जगणं ॥ ६ ॥
पिता असो की बंधु,
पती असो की पुत्र
दयायचे सदैव त्यांना
आपले जगण्याचे सुत्र
किती कठीण ते उदर फोडुनी
पुरुषांना जन्म देऊन समाधानाने हसणं
अन् नंतर कळसुत्री बाहुलीप्रमाणे
त्यांच्याच इशार्‍यावर नाचणं
इतकं सोपं असतं का
स्त्री म्हणुन जगणं
प्रत्येक सुख दुःखाच्या क्षणात
अश्रु पापणीआड दडवणं ॥ ७ ॥
– रचना : सुजाता येवले
– संपादन : सौ अलका भुजबळ. ☎️9869484800
Sundar….
Very Nice…
Keep it up…
खूप छान कविता
Lai bhari
Keep writing
👌👌खूप छान
खुप छान ताई
स्त्री जीवनातील वास्तव खुप छान शब्दात मांडले आहे ताई 👍
खूप छान
खूप छान काव्यरचना आहे.
Khup chan kavita
Khupach Chan kavita.
खुप सुंदर कविता
छान कविता
Khup chhan
वास्तववादी काव्य
स्त्री दुःखाचे वास्तव छान व्यक्त केले आहे सुजाता.
छान कविता, keep it up👍
अप्रतिम कविता.अशाच कविता लिहीत रहा.माझ्याकडून तुला शुभेच्छा.
अतिशय सुंदर कविता.अशीच प्रगती करत रहा.पुढील वाटचालीस शुभेच्छा ताई.
खूप छान माई ताई
सुंदर कविता
खुप अप्रतिम कविता
आत्मचिंतन करावयास उद्युक्त करणारी रचना
छान रचना
खुप सुंदर कविता केली माई अशीच प्रगती करत रहा
खुप अप्रतिम कविता 💐👌👌
Sundar ahe kavita👌👌
खूप छान काव्य
सुजाता सुंदर रचना स्त्रीचे सुंदर वास्तव मांडलय
Nice
छान ताई