भरभराटीचे उधळण करीत
आला महिना मर्म भावनांचा
असा हा पवित्र रमजान मास
मुस्लिम बांधवांच्या आनंदाचा //१//
पाच कर्तव्यामधीलच आहेत
नमाज, रोजा अन् जकात
मुस्लिम अनुयायी त्या अल्लाहचे
यांचे मनापासून पालन करतात //२//
राहून दिवसभर उपवास
अन्न जलाला देतो त्यागून
महिनाभर करतो उपासना
अल्लाहचे आभार मानून //३//
अन्नजलाबरोबर करतो तो
आळा मनाला इंद्रियांना
भोगवस्तूंचा विचार सोडून
मदत करतो गोरगरिबांना //४//
मुस्लीमांचे प्रेषित मुहम्मद
यांचा मुसलमान वसा धरतो
पुण्य लाभते याला नेहमी
गरिबांना दानधर्म करतो //५//
घेऊन दर्शन सायंकाळी चंद्राचे
ईदच्या शुभेच्छा देवून सर्वांना
असोत मित्र वा असोत शत्रू
गळाभेट घेता होते आनंदी सांगता //६//
– रचना : परवीन कौसर. बेंगलोर
– संपादन : देवेंद्र भुजबळ. ☎️ 9869484800
व्वा खूपच छान