विधात्याची डायरी

हरवली डायरी
चुटपुट मनाला
पुसले संदर्भ
कशाला हव्या नोंदी ?

महत्वाचं घडतं का काही ?
कुणासाठी ?
कशासाठी ?
माहीत नाही ?

मग अर्थहीन आयुष्य ?
जगणं अर्थहीन ?
असते म्हणे त्या विधात्या कड़े पण डायरी,
तो का करतो नोंदी ?
कुणालाच कळतं नाही तो काय लिहतो,
माझ्या सारखी त्याची पण हरवत असेल डायरी ?

त्याची डायरी वाचायची नाही
हा नियमच त्याचा अलिखित
तो लिहतो कधी चुकीचे अंक
मग होत असतील राजाचे रंक

रचना : ममता मुनगीलवार