आयुष्य खूप सुंदर आहे

कधीतरी ती गोष्ट घडणार आहे.
कुणीतरी आधी, कुणीतरी नंतर,
कुणीतरी एकटे राहणार आहे.
मनाचाच आधार रहाणार आहे,
विचारांचा व्यायाम चालू आहे,
आणि सौंदर्याचा शोध चालू आहे.
आयुष्य खूप सुंदर आहे !

जीवनाची लढाई चालू आहे,
सुखदुःखाची बढाई चालू आहे.
एक एक दिवस ढळतो आहे,
बेरीज वजाबाकी चालू आहे.
बाकी शून्यावर यायची आहे,
त्याचीच धडपड चालू आहे.
आयुष्य खूप सुंदर आहे !

आयुष्याचा विचार करतो आहे,
विचारांचा संघर्ष चालू आहे.
शरीराचा असहकार चालू आहे,
उपचारांचा भडीमार चालू आहे.
सुहृदांचे सहकार्य चालू आहे,
यापेक्षा अजून काय हवं आहे ?
आयुष्य खूप सुंदर आहे !

— रचना : सुनील देशपांडे.
— संपादन : देवेंद्र भुजबळ.
— निर्माती : सौ अलका भुजबळ. ☎️ 9869484800