गणित जीवनाचे

आयुष्याची भूमिती,
साऱ्यानांच खेळायची
कोन, त्रिकोन सांधण्या, धडपड ही करायची || धृ ||

प्रयत्नांचा करता गुणाकार
वजाबाकी होते अहंतेची
सहज सुटेल मग प्रमेय
साठवण होई आनंदाची ..१
कोन, त्रिकोण सांधण्या, धडपड ही करायची || धृ ||

कोन, त्रिकोन, चौकोनांची
साथ नाही सोडायची
सीमात त्या, बध्द न होता
स्वच्छ, शुध्द दृष्टी ठेवायची..२
कोन, त्रिकोण सांधण्या, धडपड ही करायची || धृ ||

शून्यास दूर ठेवूनिया
आयुष्याची गणिते सोडवायची
जीवनमृत्युची पोकळी
संतोष, सत्कर्माने भरायची..३
कोन, त्रिकोण सांधण्या, धडपड ही करायची || धृ ||

— रचना : डॉ दक्षा पंडित.
सँनडिआगो, अमेरिका
— संपादन : देवेंद्र भुजबळ. ☎️ 9869484800