चहा…

मा. संपादक महोदय, नमस्कार.
प्रथम आंतरराष्ट्रीय चहा दिनानिमित्त खूप खूप शुभेच्छा!
ज्येष्ठ साहित्यिक श्री उद्धव भयवाळ यांनी पाठवलेला अमृतमय चहा मिळाला. अवीट अशी गोडी आहे. खूप सुंदर रचना आहे.
यानिमित्ताने एक आठवण शेअर करण्याचा मोह होतो आहे.
मी संभाजीनगर येथे असताना आम्ही दोघे आठवड्यात दोन तीन वेळा एका उडपी हॉटेलमध्ये भेटत असू. चहाच्या घोटासोबत गप्पांचा फड रंगत असे. कधीकधी दोन- तीन कप चहा, कधी भजी-चहा, कधी इडली चहा होत असे. कधी घरी चहाचे आधण ठेवताना दोघांपैकी एकाचा फोन येताच ‘चहा लवकर होऊ दे. चहा प्यायला जायचे आहे.’ असे सांगून उडपी हॉटेल गाठत असू. ‘चहा सम्राट’ ही पदवी दोघांनाही प्राप्त झाली होती.