Thursday, May 30, 2024
Homeसाहित्यचिमुरडी

चिमुरडी

बहु कष्टे सोनं उगवले
काळ्या मातीत मातीत
जवळचे नाते वसुंधरेशी
राबते घरदार जमिनीत

मिळाले नवे-नवे कपडे
दिसते ही चिमुरडी खुशीत
बैलगाडीतून उतरली
नाचत-गात जाणार मस्तीत

रस्यात असतील खडे
पायात नाहीत वहाणा
येईनात केस सावरता
आता नको कोणताच बहाणा

चढीन शेतातल्या आंब्यावर
पाडीन मिठूने खाल्लेला
देईन चारा विसावल्या बैलांना
खाईन भाकर तुकडा आणलेला

— रचना : विजया केळकर. नागपूर
— संपादन : देवेंद्र भुजबळ. ☎️ 9869484800

RELATED ARTICLES

1 COMMENT

LEAVE A REPLY

Please enter your comment!
Please enter your name here

- Advertisment -

Most Popular

- Advertisment -
- Advertisment -
- Advertisment -

Recent Comments