आनंदाची फुले फुलवुनी ।
या जगताला हसवत जावे ।।
दुःख भोग ते विसरून सारे ।
जीवनगाणे गातच जावे ।।
कोण कुणाचा कधी सोबती ?
प्रवास तरीही सुखे संगती ।।
दोन जीवांचे क्षणिक मिलन ।
कोण जाहला अमर शेवटी ?
करुनी आनंदीत जगाला ।
जीवनगाणे गातच जावे ll
आयुष्याचे करुनी सार्थक ।
मानवतेला जपत रहावे ।।
जन्म मरण ते देवाहाती ।
लोभ कशाला चित्ती असावा ?
आनंदाचे क्षण क्षण वेचूनी ।
दिवस साजरा, गोड करावा ।।
झाले गेले विसरून जावे ।
नवीन गाणे मुखी असावे ।।
पराधीनता जाणून घ्यावी ।
जीवनगाणे गातच जावे ll
जीवन गाणे गातच जावे
दुःख सारे विसरून जावे
— रचना : प्रतिभा पिटके. अमरावती
— संपादन : देवेंद्र भुजबळ. ☎️ 9869484800