रंग ज्याचे विलक्षण
प्रेम रंगात रंगले ।
दोन मन एक प्राण
त्याच मिलनी दंगले ।।१।।
माय मायेची सावली
प्रेम ममत्वात जसे ।
नाते बहीण भावाचे
कृष्ण सुभद्राचे असे ।।२।।
रंग मित्रत्वाचा पहा
कृष्ण सुदामा भेटले ।
शैशवाचे संवगडी
जिथे विश्वास जिंकले ।।३।।
दोन तन एक मन
भार्या सखी जीवनाची ।
विरहात जळताना
ओढ वाटे मिलनाची ।।४।।
प्रेम असे ईश्वराचे
भक्तालाच उमजते ।
श्रद्धा मनात रुजता
सत्य हे उलगडते ।।५।।
![](https://newsstorytoday.com/wp-content/uploads/2021/07/IMG-20210725-WA0013-851x1024.jpg)
— रचना : अरुण पुराणिक. पुणे
— संपादन : देवेंद्र भुजबळ. ☎️ 9869484800