Thursday, May 30, 2024
Homeसाहित्यब्रह्मांडाच्या प्रवासातला यात्री

ब्रह्मांडाच्या प्रवासातला यात्री

पैशासाठी मरमर करुनी देह झोपतो रात्री
देते का ही झोप माणसा शांत मनाची खात्री

गोड बोलुनी बोलघेवडा फसवणूकही करतो
बनवाबनवी ओळखते ती एक तेवढी दात्री

मापा इतक्या आकाराचे कपडे शिवतो शिंपी
उरल्या सुरल्या कपड्याला का चिंधी करते कात्री

मार्ग जलाचा जिथे अडवला साचत जाते डबके
वाटत जावे ज्ञान म्हणूनच बुद्धीने सत्पात्री

झिजून गेली हाडे सारी दमडी दमडी साठी
दिडदमडीच्या हौसेसाठी धडकी भरते रात्री

देवाद्वारी समान आहे सारे काही म्हणुनी
अंधाराच्या न्यायासाठी देतो हर शिवरात्री

साथ लाभते कोणाची ती मृत्यू झाल्यानंतर
असते शांती ब्रह्मांडाच्या प्रवासातला यात्री

प्रज्ञा कुलकर्णी

— रचना : सौ.प्रज्ञा कुलकर्णी. वसमत
— संपादन : देवेंद्र भुजबळ. ☎️ 9869484800

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

- Advertisment -
- Advertisment -
- Advertisment -

Recent Comments