Saturday, April 20, 2024
Homeसाहित्यभावगीत

भावगीत

बोल भावनांचे

उघडे कवाड केले आता जरी मनाचे
कळले तुला असावे ते बोल भावनांचे ॥ धृ.॥

चंद्रावरी रुसावे हा न्याय कोणता तो
तो शोध चांदण्यांचा सायास व्यर्थ होतो
निजरूप ते रुपेरी आहेच त्या क्षणांचे
कळले तुला असावे ते बोल भावनांचे ॥ १ ॥

शब्दात जाणिवांना वर्णावयास जावे
संकोच आड येई हे ओठही मिटावे
साऱ्या मनोगतांचे दव पापणीत साचे
कळले तुला असावे ते बोल भावनांचे ॥ २ ॥

नित्यापरी जरी हा संसार चाललेला
हृदयांत खोल जागी तो घाव साचलेला
कवितेत आज येथे झालेत शब्द त्याचे
कळले तुला असावे ते बोल भावनांचे ॥ ३ ॥

— रचना : सुधीर नागले. गोरेगाव – रायगड
— संपादन : देवेंद्र भुजबळ. ☎️ 9869484800

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

- Advertisment -
- Advertisment -
- Advertisment -

Recent Comments

Vilas Baburao Sarode,Chh.sambhajinagar, Aurangabad on प्रेरणेचा झरा : अलका भुजबळ
विजय पवार, नासिक on प्रेरणेचा झरा : अलका भुजबळ