Monday, February 17, 2025
Homeसाहित्यलोकशाही हसते आहे

लोकशाही हसते आहे

या रक्ताच्या थारोळ्यातून
लोकशाही हसते आहे
शासनकर्त्या बेशरमाना
सवाल काही पुसते आहे

स्वतंत्र झालो असलो तरीही
मुजोर सत्ता तशीच आहे
अवती भवती चिखल घाणीचा
फक्त विकृती दिसते आहे

कुबेर झाले गल्लोगल्ली
नेते बघता बघता
सावकारी ची प्रवृत्ती
या देशातून पाझरते आहे

कर्म दरिद्री आम्हीच जनता
यांना निवडून देतो
तोच पुढारी रक्त शोषूनी
ढेकर देतो आहे!!

गेले इंग्रज नवीन आले
राजे अन् महाराजे
मस्तवाल दरबार महाली
मदिरा वाहते आहे!

अजून शोषण थांबत नाही
जात पातीच्या पडद्यामागे
संविधान ही गेले विसरून
हुकूम शाही फुलते आहे

आपण चुकतो निवडून देतो
नालायक नेत्यांना या
त्यांना कळते दुबळेपण ते
म्हणून त्यांचे फळते आहे !

— रचना : प्रा डॉ विजय पांढरीपांडे. माजी कुलगुरू, हैद्राबाद.
— निर्माती : सौ अलका भुजबळ. ☎️ 9869484800

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

- Advertisment -
- Advertisment -
- Advertisment -

Recent Comments