Wednesday, June 19, 2024

वळीव

येतो वळीव सुखद
भिजे भुईचाही कस
धुंद मृदगंध मोहक
फुले धरतीची कूस

रुजे बीज भुईपोटी
माती मोहक गर्भार
पाना फुलांचा डोईस
जडे तो केश संभार

बीज अंकुरता ओले
फुले मातीही हिरवी
बीज फुलारून येता
तिचे आर्जव लाघवी

येता उधाणता वारा
डुले धरेचा पदर
बीज अबोध हासता
तिचे सुखावे अंबर।

अनुपमा मुंजे

— रचना : अनुपमा मुंजे. नागपूर
— संपादन : देवेंद्र भुजबळ. ☎️ 9869484800

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

- Advertisment -
- Advertisment -
- Advertisment -

Recent Comments