अशी कशी उगवते सांग गडे
कुठल्या संस्कारांचे गिरवते धडे |ध्रृ|
इंग्रजांची गुलामी मिटे अंधकार
तुज फॅशनचा जडला हाहाकार
मातृभाषेचे कसे विसरली धडे
कुठल्या संस्कारांचे गिरवते धडे ||१||
आई बाबा विसरला नात्यास आज
उष्टी चाखून कुसंगती चढे माज
जिव्हेत उष्मेचे भरी विषारी खडे
कुठल्या संस्काराचे गिरवते घडे ||२||
धृतराष्ट्रापोटी जन्मले ते कौरव
व्यर्थ गेले संस्कारी कुलाचे तांडव
पांडू पुत्र झुकले योगेश्वरा पुढे
कुठल्या संस्कारांचे गिरवते धडे ||३||
पुंड्या जाहला पुंडलिक तो लाडका
पांडुरंग भक्तीचा जागवीला तडका
उठ मर्दा संस्कृती गंध का नावडे?
कुठल्या संस्कारांचे गिरवते धडे ||४||
— रचना : सौ शोभा कोठावदे. नवी मुंबई.
— संपादन : देवेंद्र भुजबळ. ☎️ 9869484800