सांजवात

दूर सारुनी तमास
तेवतसे सांजवात
प्रकाशली स्रुष्टी सारी
देई शांती अतोनात…..१

सौम्य मंद तेलवात
रोज लावू सांजवेळी
दीप प्रज्वलीत होता
भय ना उरे अवेळी…..२

इवलीशी सांजवात
कार्य तियाचे महान
स्वतः जळत राहुनी
भवताल दीप्तिमान…..३

तेलवात उजळता
दारी चैतन्य शिंपण
अंतरात प्रकाशले
दिव्य प्रकाश किरण…..४

आयुष्याच्या सांजवेळी
भिवविती संध्याछाया
करू वंदन ज्योतीस
नुरे सारी मोहमाया…..५

— रचना : डॉ दक्षा पंडित. अमेरिका. ह.मु.मुंबई
— संपादन : देवेंद्र भुजबळ. ☎️ 9869484800