Wednesday, June 19, 2024
Homeसाहित्यस्री होती म्हणून…

स्री होती म्हणून…

उंबरठ्याच्या आत
श्वास कोंडलेला.
चार भिंतीत घरात
जीव गुदमरला !…

काढून टाकलेत ते चांदीचे
अडकणारे घट्ट जड जोडवे
बोटांना आवळून ठेवणारे
स्री बंधानाचे गोडवे !

पायातल्या साखळ्या
पावलागणिक रुणुझुणायच्या
अन् किणकिणणार्‍या बांगड्या
उगा कामात नादायच्या.!

नाही लावत ती ॲलर्जी होणारी
स्टेटस् सांगणारी टिकली..
आंगाबोंगा साडी ऐवजी
सुटसुटीत अंगभर वेषभूषा स्विकारली !

अबलेचे अक्षमतेचे अस्तित्व पुसले
स्वतंत्र स्वच्छंद मुक्त झाले
पराधिनतेच्या सार्‍या बेड्या तोडल्या
मुक्त पंख गगनात पसरले….!

— रचना : मीना खोंड.
— संपादन : देवेंद्र भुजबळ.
— निर्मिती : अलका भुजबळ. ☎️ 9869484800

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

- Advertisment -
- Advertisment -
- Advertisment -

Recent Comments