गुलामगिरीतूनी झालो स्वतंत्र
संविधानाने दिली समानता, न्याय
सत्य निष्ठा, आरोग्यसेवा सुविधा
केली प्रगती सर्व क्षेत्रात ||१||
आज स्री वरी होतो अन्याय
तिचा जन्म ठरतो मरण
सर्व क्षेत्रात तिची धडाडी
तरी घरात, दारात तिचे सरण ||२||
बळिराजाचा रोजचा बळी
सैन्य रोजच पडे शत्रूस बळी
युवा पिढी पैश्यामागे धावे
मनोरूग्ण नायक, नायिका मरती ||३||
नशेने डुंबली युवा पिढी
वृध्दाश्रमाच्या वाढती छत्र्या
परदेशात ज्ञानाची किंमत
भारतात ज्ञानाकडे पाठ ||४||
विकासाच्या प्रवाहात जो न आला
त्यालाच द्याना लाभाची वाट
ज्ञाना समोरी समान सारे
देशसेवा करा सक्तीची बात ||५||
महागाई, मंत्र्यांचे अव्यापार
टाळा आता, न्याय वाढा समान
भ्रष्टाचार टाळा, योग्यतेने पद भरा
तरच स्वातंत्र्याचे करू अमृतपान ||६||
![](https://newsstorytoday.com/wp-content/uploads/2022/12/IMG-20221206-WA0006.jpg)
— रचना : अंजली सामंत. डहाणू
— संपादन : देवेंद्र भुजबळ. ☎️ 9869484800
अंक खूपच छान आहे. सर्व सदरे, लेख, वृत्त, पुस्तक परिचय उत्तमच आहेत. सर्वांना दिवाळीच्या हार्दिक शुभेच्छा!
-मधु नेने, कार्यकारी संपादक, सज्जनगड मासिक, सातारा. (मु.पो. वाई, जि. सातारा.)