Sunday, April 21, 2024
Homeसाहित्यहिरव्या रानी

हिरव्या रानी

बनात केतकीच्पा नाग सळसळे
रानात हिरव्या उडती फुलपाखरे
नाचात नर्तकीच्या बोले घुंगरू
स्वप्नात नववधूचे मन बावरे

तरारले रान हिरवे हिरवेगार
फुलारले डोलारे झुपकेदार
शहारले होता दवस्पर्श हळूवार
पसरले कोवळे ऊन,हटे निहार

तुरे श्वेत-जांभळे तृणपात्यातले
पुरे-पुरे बाबांनो माना उंचावणे
गुरे वासरांचे रानोमाळ पाहे धावणे
स्फुरे गुराख्यास पावा वाजवणे

हिरव्या रानी बरसे मेघमाया
धरेच्या कानी वर्षाराणीचे गुज
झर्‍याची गाणी रुमझुम पैंजणी
पानोपानी पक्ष्यांची कुजबुज

— रचना : विजया केळकर. नागपूर
— संपादन : देवेंद्र भुजबळ. ☎️ 9869484800

RELATED ARTICLES

5 COMMENTS

  1. मानवी भावभावना आणि निसर्गसौंदर्याचा सुरेख
    शब्दाविष्कार !

  2. केतकीच्या बनी नाग सळसळले
    अन् सखीचे काव्य खूपच आवडले
    तरारले रान हिरवेगार
    अन् दव स्पर्शाने मन झाले हळुवार
    तुरे श्वेत जांभळे तृणपात्यातले
    अन् धरतीचे देखता सौंदर्य मन सुखावले
    हिरव्यारानी बरसे मेघमाया
    अन् नभांगणी सप्तरंगी किमया.

LEAVE A REPLY

Please enter your comment!
Please enter your name here

- Advertisment -

Most Popular

- Advertisment -
- Advertisment -
- Advertisment -

Recent Comments