अंतरीचे गुज
अंतराने जाणावे
अंतराचे अंगणी
सदा माहेर साठवावे
बारा बैलांची जोडी
लखलाभ तुझी तुला
काळी कपिला गाय
दादा आंदण द्यावी मला
दिवाळीची चोळी फाटून
एक दिवस होईल चिंधी
शेतामध्ये उभे
उद्या कपिलेचे नंदी
आंदण असं माहेराचं
दिसामाजी वाढावं
गाई गुरांनी रे दादा
तुझं गोठं सदैव भरावं
बहीणभावाच नातं आपुलं
असं अंतरी फुलाव
आईबापाच्या माघारी
बंधू तूच आम्हांवरी
मायेच छत्र धरावं
– रचना : आशा दळवी
– संपादन : देवेंद्र भुजबळ. ☎️ 9869484800