Sunday, March 16, 2025
Homeसाहित्यअभंग : लाडकी पाखरे

अभंग : लाडकी पाखरे

अ, आ, इ, ई, उ, ऊ | गुणी मुळाक्षरे
लाडकी पाखरे | मराठीची ||१||

जुळविले काव्य | आळविले स्वर
नाचताती स्वैर | सुरांमध्ये ||२||

केलीस सखोल | वृत्ताची बांधणी
लावण्य लावणी | थिरकली ||३||

पेरणी ती केली‌ | योग्य यमकांची
माणिक मोत्यांची | शब्द झोळी ||४||

आवडे मजला | गझल साधना
करते कामना | विधेची मी ||५||

रुबाई ची गोडी | मनभर ओव्या
जात्यावर गाव्या | आवडीने ||६||

राग लोभ मोह | लेखणीत झुले
हट्टी फार मुले | कवितेची ||७||

कधी रागावते | कधी गोंजारते
शब्दांचा करते | नट्टापट्टा ||८||

गुंफली नाजूक | अक्षरांची माला
अभंग शिवाला | वाहिला मी ||९||

प्रज्ञा कुलकर्णी

– रचना : सौ.प्रज्ञा कुलकर्णी
– संपादन : देवेंद्र भुजबळ. ☎️ 9869484800

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

- Advertisment -
- Advertisment -
- Advertisment -

Recent Comments