आज हनुमान जन्मोत्सव आहे. यानिमित्ताने वाहिलेली ही भावांजली…
वायू वेगाने मन धावते
पवनपुत्र हनुमंत होते
सात्विक चैतन्य
त्यात नसते
विकारांच्या विषयात
ते गुंतते ।दु।
हनुमंत उडान करतो गगनाचे
सूर्यास धरण्या
त्याचे जाणे
हे मन स्वयंभू
प्रकाश शोधे
तरी नकळत
षडरिपुत विरघळे ।१।
हनुमंतास मिळे सानिध्य श्रीरामाचे
भावभक्तीचे मंदिर
अंतरी सजले
तसा नाही मनात
देव सामावे
म्हणुनी अहमभावे
असुर डोकावे ।२।
अशा या मनाने
सतकार्य करत जावे
निरंतर लोकहिताचे
धडे गिरवावे
यातुनी लक्ष दीप
तेवतील ज्ञानाचे
जेने करुनी
मनास परात्मा भेटे ।३।
– रचना : रुपेश पवार
– संपादन : देवेंद्र भुजबळ. ☎️ 9869484800