अष्टपैलू पु ल देशपांडे यांची आज पुण्यतिथी आहे. त्यानिमित्ताने त्यांचे हे काव्य मय स्मरण.पु ल देशपांडे यांना विनम्र अभिवादन.
— संपादक
पु ल. तुम्ही का सोडुन गेला ?
कोण ऐकवील आम्हा कथा !
चितळे मास्तर, अंतू बर्वा ?,
हसवित होते आम्हा सर्वा !
चाळ आगळी बटाट्याची,
वरात वाऱ्यावरी निघाली !
व्यक्ती वल्ली, गण गोत, मैत्र,
जिवंत सगळी व्यक्तीचित्र!
अपूर्वाई, पूर्वरंग ही,
सुंदर तुमची प्रवासवाणी !
भक्तीच्या कुशल अभिनयाने,
फुलणारी तुमची फुलराणी !
कोट्याधीश होतात तुम्ही,
हजरजबाबी तुमची जिव्हा !
वुडहाउसचे तुम्ही चाहते,
निखळ विनोदी लेखनगाभा !
सेवाभावी संस्थांमध्ये,
रमले होते तुमचेही मन !
सुनीताताईंच्या साथीने,
धरेवर प्रकटले नंदनवन !
— रचना : सुरेश शेठ. कोथरूड, पुणे
— संपादन : देवेंद्र भुजबळ.
— निर्माती : सौ अलका भुजबळ. ☎️ 9869484800
👌👌👌👌👌 खूप छान