बालपणाची मैत्री जीवाची गट्टी
खेळातली मस्ती कुस्ती
चिंचेसारखी, कैर्यांसारखी आंबट चिंबट
चिमणीच्या दाताची गोडी ||१||
ओढ्यामधल्या सुरकांड्या
शाळेतल्या मास्तरांच्या छड्या
पेरूच्या झाडावरील उड्या
वयात आल्यावर मैत्रीचे लोणचे ||२||
स्वप्नांना हातात झेलताना
मैत्रीतला विश्वास अढळ
अटळ असते स्मरण
जपुन ठेवलेले क्षण ||३||
मैत्री असते अमृत
जगण्याचे,प्रगतिचे मार्ग
मैत्री निखळ आनंद
ह्रदयाची साथ संगत ||४||
मैत्री आत्मविश्वास जगण्यातला
मैत्री अनमोल अनपेक्षित बहरणे
मैत्री दोन रूपे आत्मा एक
मैत्री अमर स्वर्गाचे द्वार ||५||
— रचना : डॉ अंजली सामंत. डहाणू
— संपादन : देवेंद्र भुजबळ. ☎️ 9869484800