देशाला हिरो मिळत असतांना,
जरा बरे दिवस येत असतांना,
भयानक आघात होऊन, हे असं …
कोलमडायला होतं…
हे असं कां होतं ?
कुटुंब प्रमुखाची भूमिका
समर्थपणे सांभाळतांना,
परिवाराचे रक्षण न करताच,
हे असं हिरोला अगतिकेने जावे लागले…
हे असं कां होतं ?
डॅाक्टर म्हणून जगायचंय,
पण संधीही न मिळता,
जगाचे मैदान … हे असं
भरल्या ताटावरून सोडावं लागलं,
हे असं कां होतं ?
सप्तपदी चालून साथ देतांना
स्वप्नातही नसतांना,
अखेरच्या क्षणी ही, हे असं
सतीसारखं जावं लागलं….
हे असं कां होतं ?
वैऱ्याच्या वाटेलाही येऊ नये
असे हे ज्वलंत मरण , हे असं …
देशाला चटका नी फटका
लावून जातं…
हे असं कां होतं ?
— रचना : चित्रा मेहेंदळे.
— संपादन : देवेंद्र भुजबळ.
— निर्माती : सौ अलका भुजबळ. ☎️ 9869484800
खरंच! मन सुन्न झाले!😢
अतिशय भावनिक
अतिशय हृद्यस्पर्शी रचना 👌👌👌👌