मन वढाय वढाय धावे, पळे
स्वप्नाच्या नगरीत विसावे
वाटे नको शाळा, काॅलेज
स्वच्छंद गाणे गावे ||१||
भटकावे मुक्त जंगलात
टेकड्या वरूनी बघावे सारे
निसर्गाच्या संगतीत आनंदावे
फुलांचे सुंगधी वारे ||२||
खळखळती नदी नाले
इंद्रधनुचे सप्त रंग बघावे
नदीकाठी ऐकावी बासरी
पाण्यावर तरंगावे ||३||
फुलपाखरांचे उडती थवे
फुललेली फुले आनंदाने डोलती
फुलांच्या करूनी माळा सजावे
वार्याने दाराची तोरणे हालती ||४||
आकाशात पंख पसरूनी उडावे
चंद्र, चांदण्या घेऊनी हाती
सजवावे केसावरती
जीवनाची होते माती ||५||
— रचना : अंजली सामंत
— संपादन : देवेंद्र भुजबळ. ☎️ 9869484800