बहु कष्टे सोनं उगवले
काळ्या मातीत मातीत
जवळचे नाते वसुंधरेशी
राबते घरदार जमिनीत
मिळाले नवे-नवे कपडे
दिसते ही चिमुरडी खुशीत
बैलगाडीतून उतरली
नाचत-गात जाणार मस्तीत
रस्यात असतील खडे
पायात नाहीत वहाणा
येईनात केस सावरता
आता नको कोणताच बहाणा
चढीन शेतातल्या आंब्यावर
पाडीन मिठूने खाल्लेला
देईन चारा विसावल्या बैलांना
खाईन भाकर तुकडा आणलेला
— रचना : विजया केळकर. नागपूर
— संपादन : देवेंद्र भुजबळ. ☎️ 9869484800
Super