स्वार्थ नसावा आपला
नको वाद घरामध्ये ।
आपुलकीतले नाते
धागे दोरे मनामध्ये ।।१।।
द्यावे पाणी येणाऱ्याला
वाणी हवी गोड तशी ।
जाणाऱ्याच्या मनी हवी
येण्यासाठी ओढ जशी ।।२।।
प्रेम माणुसकीचाच
झरा असो मनामध्ये।
नाव त्याचे जगतात
कीर्ती राहो जनामध्ये ।।३।।
नको भेदभाव, नांदी
असल्यास विसरावी ।
समजून वागताना
त्याची आढी झुगारावी ।।४।।
नको रुसवे फुगवे
मोद हवा मनामध्ये ।
नित्य काळजी घराची
प्रेम त्याग रक्तामध्ये ।।५।।
लळा जिव्हाळा, नसावा
वर वरचा उमाळा।
गर्व नसता धनाचा
स्नेह हा घुंघूरवाळा ।।६।।
— रचना : अरुण पुराणिक. पुणे
— संपादन : देवेंद्र भुजबळ. ☎️ 9869484800