गात्र पांगळून जाता
होई मनही पांगुळे
परी विठूच्या ओढीने
चालो लागती पाऊले
दिंडीतल्या गजराने
भानावर येता येता
दिसू लागल्या प्रकाशी
उजळल्या पायवाटा
चालो लागली इंद्रिये
पथी निस्तरीत काटे
आणि गळून पडली
अंतरीची जळमटे
राणा अलंकापुरीचा
ज्याच्या पायी होतो लीन
झालो उतावीळ मीही
त्याचे धराया चरण
राउळाच्या गाभाऱ्यात
भेटी होता जिवलगा
डोळ्यांतून वाहो लागे
पवित्रशी चंद्रभागा
— रचना : सूर्यकान्त द. वैद्य. पुणे
— संपादन : देवेंद्र भुजबळ.
— निर्माती : सौ अलका भुजबळ. ☎️ 9869484800
Mimaroba su kaçak tespiti Temiz ve Düzenli Çalışma: İşlerini bitirdiklerinde ortalık tertemizdi. https://facerelation.com/read-blog/56