Saturday, April 20, 2024
Homeसाहित्यनभांगण

नभांगण

नाम माझे नभांगण
प्रश्न छेडीला गहण
काय सांगू तुम्हां जना
लागे कोठून ग्रहण

दोन बंधू विराजती
चंद्र रवी येती प्रांत
शितलेच्या गारव्यात
डोकावतो निशिकांत

सूर्य लोपता ढगात
चंद्र चांदण्या मिरवी
झाकोळता अंबरात
गाडी हरिणी फिरवी

निशिकांत सागरात
दश दिशा प्रतिबिंब
स्नान उरकवी जैसे
भास्कराचे पडे बिंब

कालचक्र बंधुत्वाचे
प्रेम जडे आकाशास
सूर्य किरणे पोचती
मोद दाटतो खगास

सूर्य अवतरे गिरी
डोकावून पाही जना
रश्मी सवे सोहळ्यात
कोणी सुप्रभात म्हणा

नभांगणी शाळा मोठी
चंद्र करी राज भारी
सत्तावीस नक्षत्रांची
राज सभा वाटे न्यारी

सौदामिनी कुसुमीची
रात्र जाई अवजड
काळजात पामराच्या
होई नित्य धडधड

वावटळ नभातून
काढी नागिनीचा फणा
जलधारा बरसता
पाढा गाई माता क्षणा

ऐसे नभांगण थोर
सप्त ऋषी मांदियाळी
काळ्या रंगांची काचोळी
वर विणतसे जाळी

चंद्रकोर अमावस्या
कोण दारिद्र्य का भासे
पुनवेच्या चंद्रावरी
शशांकाचे रुप ठासे

शोभा कोठावदे

— रचना : सौ शोभा कोठावदे. नवी मुंबई
— संपादन : देवेंद्र भुजबळ. ☎️ 9869484800

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

- Advertisment -
- Advertisment -
- Advertisment -

Recent Comments

Vilas Baburao Sarode,Chh.sambhajinagar, Aurangabad on प्रेरणेचा झरा : अलका भुजबळ
विजय पवार, नासिक on प्रेरणेचा झरा : अलका भुजबळ