‘ती’

नवरात्रोत्सव म्हणजे नवदुर्गा पूजन. स्त्री शक्तीचा जागर… तिचा मान सन्मान… तिचा दृष्टिकोन ! आजची कविता स्त्रीचा दृष्टिकोन काय असतो यावर आहे.
— संपादक

मुलतःच ती प्रेमळ
माया, ममता, करुणा
उपजत तिच्या ठायी
स्वाभिमान मात्र बाणा -१.

समानता वर्तनात
प्रेम प्रेमाला उत्तर
‘अरे’ ला ‘कारे’ करते
उद्धटासी हो ताठर -२.

बाळासाठी मात्र होई
सायीहून मऊ माय
कुणी त्यास दटावता
अंगावर त्याच्या जाय -३.

नको तिला धन,साज
तिचे एकच मागणे
निरंतर तिज हवे
मान देऊन वागणे -४.

आप्तजन देता मान
घेते गगन भरारी
क्षेत्र कोणतेही असो
पादाक्रांत करी नारी -५.

असे ‘ती’ चा दृष्टिकोन
जगा आणि जगू द्यावे
दुनियेत माणसांनी
प्रेम द्यावे प्रेम घ्यावे-६.

— रचना : श्रद्धा जोशी. डोंबिवली
— संपादन : देवेंद्र भुजबळ.
— निर्माती : सौ अलका भुजबळ. ☎️ 9869484800