“बेडकाचे लग्न”
जंगल होते भले मोठे
प्राण्यांची भरली सभा
सभेत भाषण कोल्ह्याचे
आवाज गेला त्याचा नभा |१|
मैना कोकीळ चतुर
बेडकाने केली गुर गुर
अरे चला पळा लवकर
नदीला आला महापूर |२|
अरे हा डबक्यात फसला
त्याला सापडेना रस्ता
प्लास्टिकचा ढिग पाहून
बघा माझ्या लग्नाचा बस्ता |३|
सारे मिळून खूप हसले
बेडकाला लग्नाची घाई
माकडीनीने आणला शिधा
जेवन कोणी बनवायचे बाई |४|
सगळ्यांनी बनवले जेवण
आला तिकडून वाघोबा
सगळे फस्त करतो पाहत
पायाला डसला नागोबा |५|
वाघोबा पळाले जीव घेऊन
अंगत पंगत जमली छान
सगळ्यांनी खाल्ले पोटभर
म्हणाले शुभ मंगल सावधान |६|
— रचना : सौ.शोभा कोठावदे. नवी मुंबई.
— संपादन : देवेंद्र भुजबळ.
— निर्माती : सौ अलका भुजबळ. ☎️ 9869484800