येणारा तर यायचाच्, अन् जाणारा जायचाच् ;
ढळणारा सूर्य पुन्हा, क्षितिजावर यायचाच् १
कोरडल्या ढेकळात, झरताना स्नेहधार ;
पान्होळा मातीचा, मायेने उलायचाच् २
स्मरणाच्या चांदण्यात, गजबजता आठवणी,
हुंदकाहि हिरमुसला, आसवे विणायचाच् ३
कविता ती लाजखुळी, नाही घेत जवळ तशी ;
वावर प्रतिभेचापण, अ्ंतरी जपायचाच् ४
प्राणांच्या ओंजळीत, हसताना शत नाती ;
मरणाचा हात शिरी, आपल्या असायचाच् ५
– रचना : श्रीकृष्ण बेडेकर, इंदूर
टीप : मराठी भाषेला मी आजवर अनेक नवे शब्द दिले, या गझल मधून त्यात आणखी दोन शब्दांची भर टाकली आहे.
१. पान्होळा : पान्हा या अर्थी
२. लाजखुळी : लाजरी बुजरी या अर्थी
गझल आवडली. वास्तवता दाखवणारी. नविन शब्दहि भावले. धन्यवाद
खूप सुंदर