भूतकाळ स्वागतात
होते का बाह्य प्रकार
गोड शिरा शिखरण
नसे कधीच तक्रार
पुरणाची पोळी होई
वेळ पाहूणे पाहून
पंचपक्वान्नाचा घाट
स्पर्धा भोजनी चाखून
आग्रहाने थाळीमध्ये
भोजनात वाढायचे
हात फिरवत पोटा
पचवत पचायचे
होई भोजन मजेत
विडा तांबुल खाऊन
कधी ऱंगावी मैफिल
राग भैरवी गाऊन
दीन दुबळ्याच्या घरी
स्वादा पिठले भाकरी
गोड काय बरे द्यावे
शिखरण होई त्वरी
ठेचा लोणचे चटणी
जमायची ती रंगत
कुरडई पापडाची
बसे मस्तशी पंगत
येई सीझन आंब्याचा
रायत्याची हो मिजास
आंबा वडी बांधायची
वाणोळ्यात देती खास
रानमेवा पिकलेला
आहे येथील प्रसिद्ध
थोडा बांधून न्याल न
आवडीने व्हावे सिद्ध
लाडू सातले बांधावे
लेक माहेरा येतसे
आजूबाजू चार घरी
आई प्रेम जपतसे
तूप घरात कढावे
बेरी वाटप करावी
चार ठिकाणी ताकास
सद्भावना ती जपावी
शेतामध्ये पिकायचे
वाटपात असे सर्व
मुखी प्रेम आनंदाने
देता मनी नसे गर्व
– रचना : सौ शोभा कोठावदे
– संपादन : देवेंद्र भुजबळ. ☎️ 9869484800